வாழ்வில் போராடுங்கள்! வாழ்க்கையுடன் அல்ல… புத்தகத்திலிருந்து…
சொத்தையும் மனைவியையும் தாயமாடித் தோற்றவர்கள் பாண்டவர்கள் என்று படித்திருக்கிறோம். தயார் நிலையில் இல்லாமல் தாயமாட அழைக்கப்பட்டு தருமன் தடுமாறிவிட்டான்.
எதில் இறங்குகிறோமோ அதன் நுட்பம் தெரிந்திருந்தால் எந்தச் சூழலிலும் வெற்றிக்கு உத்திரவாதம் இருக்கும்.
கார் வாங்கியவருக்கு ஓட்டத் தெரிந்தால் மட்டும் போதாது. சின்னச் சின்னப் பழுதுகள் ஏற்பட்டால் சரி செய்யும் திறமையும் வேண்டும்.
எந்த ஒன்றையும் ஆழமாய் அறிந்து கொள்ளாமல் கால் வைத்துவிட்டு, பின்னர் இழப்பு நேர்ந்ததென்று சலித்துக் கொள்வதில் எந்த அர்த்தமும் இல்லை.
வாழ்க்கை எனும் விளையாட்டில் வெற்றிகளையே விரும்புவீர்களென்றால், உருட்ட வேண்டிய தாயங்களின் அளவு, அவற்றைத் தயாரிக்கும் செலவு என்று எல்லா அம்சங்களையும் அறிந்து வைத்திருங்கள்.
