எதிர்ப்படும் மனிதர்கள் முகங்களிலே
என்னென்ன தெரியுதுதேடுங்கள்
புதையல் எடுக்கும் அவசரத்தில்
புதிராய்த் திரிவதைப் பாருங்கள்
இருப்பதில் சிலபேர் மகிழ்கின்றார்
இருந்தும் சிலபேர் அழுகின்றார்
சலிப்பில் பலபேர் நடக்கின்றார்
சிலர்தான் முழுதாய் வாழ்கின்றார்
விந்தை மனிதர்கள் சந்தையிது
வேடிக்கை பார்த்தால் வேதாந்தம்
சிந்தனை கொஞ்சம் ஓடவிட்டால்
ஜெயித்திட அதுவே சித்தாந்தம்
உங்கள் கண்களில் ஒளி நிறைத்து
ஊரைச் சுற்றி வாருங்கள்
உங்கள் கதையினைக் கேட்டாலே
உலகம் சிலிர்த்திட வாழுங்க!
