குறிக்கோள் நோக்கிப் பயணம் போகையில்
கனவுகள் குதிரைகள் ஆகும்
குதிரையை சுண்டிக் கிள்ம்பிடு தோழா
கருதிய எதுவும் கைகூடும்
மறிக்கும் தடைகளை அகற்றும் சக்தி
மனிதனின் கனவுக்குண்டு
மயக்கம் தயக்கம் முற்றிலும் நீக்கி
முயன்றால் வெற்றிகள் உண்டு
தறியின் சுதியின் தாள் கதியில்
இழைகள் நெசவும் ஆகும்
கவின் சுதியில் செயல்கள் பிறந்தால்
காலம் உன்பெயர் கூறும்
உறியடிக்கான வழுக்கு மரமாய்
உள்ளது தம்பி உலகம்
உந்தி உந்தி மேலேஏறு
உலகம் உன்னைப் புகழும்.
