மூளை தலைமைச் செயலகம் என்றால்
மனம்தான் கருவூலம்!
நாளைய வரவும் நாளைய செலவும்
இன்றே முடிவாகும்!
கண்கள் உளவுத் துறையாய் ஆனால்
மனம்தான் காவல்துறை!
எண்ணங்கள் நடுவே தீமைகள் புகுந்தால்
எழட்டும் அடக்குமுறை!
தோள்கள் இரண்டும் இராணுவம் என்றால்
மனம்தான் ஆணையிடும்!
வாள்கள் உருவிய விநாடியில் உனக்குள்
விவேகம் வேகம் பெறும்!
கால்கள் நடையிடும் காலத்தில் எல்லாம்
மனம்தான் வழிகாட்டும்!
போகும் இடமெது பாதை இனியெது
அதுதான் திசைகாட்டும்!
மனிதா நீயரு கணையென்று சொன்னால்
மனம்தான் அம்பாகும்
நினைத்த இலக்கை ஜெயித்திடத் துடித்தால்
மனமும் துணையாகும்!
