வாழ்வில் போராடுங்கள்! வாழ்க்கையுடன் அல்ல… புத்தகத்திலிருந்து…
உங்களை வீழ்த்த விரும்புகிறவர்கள் உங்கள் பலவீனம் என்னவென்று பார்க்கிறார்கள். அதைக் கண்டறிந்ததும், உங்களைக் காட்டிக் கொடுக்கவோ, போட்டுக் கொடுக்கவோ தயாராகிறார்கள்.
உங்களைத் தள்ளிவிட அவர்கள் செய்த அதிரடி வேலைதான் உங்கள் தகுதிக் குறைவை உங்களுக்கே உணர்த்தியிருக்கும். அதைத் திருத்திக் கொள்ளவும் வழி படைக்கும்.
அவர் உங்களைக் காட்டிக் கொடுக்கவில்லை. சுயநலத்திற்காகவே செய்திருந்தாலும், உங்களுக்குள் இருக்கும் தகுதிக்குறைவை உங்களுக்கே காட்டிக் கொடுத்திருக்கிறார். நீங்கள் இன்னும் புதிய மனிதராய் புதுப்பிக்கப்பட்ட திறமைகளுடன் வடிவெடுக்க அவரே வழி வகுத்திருக்கிறார்.
உங்கள் பலவீனங்களை அறிந்து, பலங்களை உணர்ந்து இன்னும் வலிவடைய உதவியவரை வெறுத்து விடாதீர்கள். அதே நேரம் அவரை உங்கள் நண்பராகவும் ஆக்கிக் கொள்ளாதீர்கள்.
உலகமே உங்கள் பலங்களைப் பாராட்டும்போது உங்கள் பலவீனங்களை சுட்டிக்காட்ட அவர் அதே நிலையில் உங்கள் வாழ்க்கை முழுவதும் வேண்டும்.
அவரை குஷிப்படுத்தவும் வேண்டாம். கடுப்பேற்றவும் வேண்டாம். அதே நிலையில் அவருடைய தொடர்பை காப்பாற்றிக் கொள்ளுங்கள்.
