காட்டுச் சுனையெனப் பாய்ந்துவந்தே-என்
கனவின் வேர்களை வருடுகிறாய்
மீட்டும் வீணையின் தந்திகளை-உன்
முறுவல் கொண்டே அதிரச்செய்தாய்
காட்டிய உவமைகள் அனைத்தையுமே-உன்
கால்களின் கொலுசில் கோர்த்துக் கொண்டாய்
வாட்டும் கருணை கொண்டவளே-என்
வாழ்வை எழுதி வாங்கிக் கொண்டாய்
|
சந்தா விபரங்கள்:
அழகான சந்தங்கள் அசைந்தாடுது-தமிழ்
அதற்கேற்ப கருத்தோடு இசைந்தாடுது
தமிழைத்தான் உணவாகத் தின்கின்றீரா..-இல்லை
தண்ணீராய் செந்தேனாய் குடிக்கின்றீரா?
அமிழ்தாக கவியாவும் இனிக்கின்றதே-ஐயா
அருந்திவிட இனும்வேண்டு மிருக்கின்றதா..?
கவிஞர் பொத்துவில் அஸ்மின்(இலங்கை)