Blog

நேற்றைய மழைத்துளி காயவில்லை – அது தாவர வேர்களில் நுழைந்திருக்கும் நேற்றைய கதிரொளி போகவில்லை – அது நேற்றின் செயல்களில் நிறைந்திருக்கும் நேற்றைய சருகுகள் மறையவில்லை – அவை நிச்சயம் பூமியில் கலந்திருக்கும் நேற்றைய கனவுகள் மறையவில்லை – அவை நாளைய செயல்களில் மலர்ந்திருக்கும் பேசிய வார்த்தைகள் மறைவதில்லை – அவை பழியோ புகழோ கொண்டுதரும் வீசிய விதைகளும் அழிவதில்லை – அவை விளைந்து வளர்ந்து வடிவம்பெறும் ஊசியில் ஒட்டகம் நுழைவதில்லை – நம் உயர்ந்த இலட்சியம் ...

பூக்கும் வரையில் அரும்பின் நறுமணம் பூமிக்குத் தெரியாது! ஊக்கம்கொண்டவன் உன்மனக் கனவுகள் ஊருக்குப் புரியாது! கருவறைக்குள்ளே குழந்தை வளர்வது கடவுளின் ரகசியம்தான்! தருணம் வரும்வரை பொறுமை காப்பது கனவுக்கும் அவசியம்தான்! எத்தனை காலம் பிடிக்கும் என்பதை எழுதிப் பார்த்துக்கொள்! எத்தனை இகழ்ச்சி! எத்தனை ஏளனம்! எல்லாம் தாங்கிக்கொள்! உன்னைக் காலம் உயர்த்திப் பிடிக்க ஒருநாள் விடிந்துவிடும்! பொன்னை வாட்டிய நெருப்பும் ஓய்ந்திட புத்தொளி பிறந்துவிடும்! நீயா என்று ஊரே வியந்திடும் நாளுக்கு காத்திருநீ! நீயார் என்று நீயே ...

வானவெளியில் பறவைக்கு வேலை எதுவும் கிடையாது! ஆன பொழுதும் பறக்கிறதே அது போல் நமக்கேன் முடியாது? கூடு இருப்பது மரக்கிளையில் கொள்ளும் தானியம் சமவெளியில் பாடித் திரிந்து பறப்பதெல்லாம் பரந்து கிடக்கிற வான்வெளியில்! வாழ்க்கை பூமியில் நிகழ்ந்தாலும்& வான்வரை நீளுக உன் இலக்கு! தாழ்ந்த எண்ணங்கள் துரத்திவிடு திசைகள் எட்டும் இனிஉனக்கு! சின்னக் கவலைகள் மறந்துவிடு சிறகுகள் வீசிப் பறந்துவிடு! உன்னை நீயே கடந்துவிடு உயரம் தொட்டபின் கரைந்துவிடு! ...

மூளை தலைமைச் செயலகம் என்றால் மனம்தான் கருவூலம்! நாளைய வரவும் நாளைய செலவும் இன்றே முடிவாகும்! கண்கள் உளவுத் துறையாய் ஆனால் மனம்தான் காவல்துறை! எண்ணங்கள் நடுவே தீமைகள் புகுந்தால் எழட்டும் அடக்குமுறை! தோள்கள் இரண்டும் இராணுவம் என்றால் மனம்தான் ஆணையிடும்! வாள்கள் உருவிய விநாடியில் உனக்குள் விவேகம் வேகம் பெறும்! கால்கள் நடையிடும் காலத்தில் எல்லாம் மனம்தான் வழிகாட்டும்! போகும் இடமெது பாதை இனியெது அதுதான் திசைகாட்டும்! மனிதா நீயரு கணையென்று சொன்னால் மனம்தான் அம்பாகும் ...

உலகம் என்கிற வெற்றிக் கோப்பை உள்ளது உனக்காக! சிலசில தோல்விகள் வருகையில் உள்ளம் சிதறுவது எதற்காக? வாழ்க்கை வீசும் வேகப்பந்துகள்; வெறிகொண்டு நொறுக்கிவிடு! பாறை போன்றது வாழ்க்கை & அதனை உளிகொண்டு செதுக்கிவிடு! ஆடும் களங்களில் ஆளுமை செலுத்து அஞ்சி மயங்காதே! நாடக மனிதர்கள் பூடகச் சொல்லை நினைத்துக் கலங்காதே! காலம் உன்னை நம்புவது உண்மை கைகள் நடுங்காதே! நாளை உன்பேர் சாதனைச் சின்னம் நொடியும் தயங்காதே! ஆட்டம் தொடங்கிய பின்னால் எதற்கு வாட்டம்? முணு-முணுப்பு? நாட்டம் ...

பொறுப்பில்லாத மனிதர்க்கு வாழ்க்கை பொம்மலாட்டம் போலிருக்கும் இறுக்கிய கயிறுகள் இழுக்கிற இழுப்பில் கைகால் அசையும் நிலையிருக்கும்! நெருப்பில்லாத மனதுக்கு வாழ்க்கை நாடகம் நடப்பது போலிருக்கும் நினைப்பது ஒன்று நடப்பது ஒன்றாய் நிலை புரியாத வலியிருக்கும் சலிப்புணராத மனிதர்கள் வாழ்க்கை சூரியவெளிச்சம் போலிருக்கும் முனைப்புடன் தினமும் முயற்சிகள் தொடங்கி முத்திரை பதிக்கும் வெறியிருக்கும்! களைப்புணராத பயணம்தான் வாழ்க்கை கனவைத் தொடுகிற பலமிருக்கும் உழைப்பெனும் அற்புதம் உணர்ந்தவர்க்கே உலகம் என்றும் துணையிருக்கும்! ...