Blog

புகைப்படம்: வேற யாரு?அதுவும் அந்தச் சுகாதான்!! இந்தக் கேள்வியை 2005ல் முனைவர்.கு.ஞானசம்பந்தனிடம் கேட்பேன். “இப்போ ஷூட்டிங்தான்.நீங்க?”என்பார் பதிலுக்கு.நானும் ஷூட்டிங்தான் என்பேன். அப்போது நான் கஸ்தூரிமான் படத்தில் நடித்துக் (?) கொண்டிருந்தேன். பேராசிரியரும் படங்களில் நடித்துக் கொண்டிருந்தார். பெரும் கடன் வாங்கி லோகிததாஸ் தயாரித்து இயக்கிய படம் கஸ்தூரிமான். எனக்கு அந்தப் படத்தில் கிடைத்த நல்லபெயர் யாருக்கும் கிடைத்திருக்காது. “சே!எவ்வளவு நல்ல மனுசன்யா! கேமரா முன்னால கூட நடிக்கத் தெரியாத அளவு எதார்த்தம்” என்று எல்லோரும் கண்ணீர் மல்க ...

(13.04.2013 அன்று நிகழ்ந்த முத்திரைக் கவியரங்கில் வாசித்த கவிதை) வணக்கம்! தலைப்புச் செய்திகள்..தனியாய் இல்லை! துச்சாதனனின் இழுப்பில் வளர்ந்த திரௌபதி புடவைத் தலைப்பைப் போல மலைக்கவும் வைத்து களைக்கவும் வைக்கும் நடப்புகள் நாட்டில் நிறைய நடப்பதால் தலைப்புச்  செய்திகள் தனியாய் இல்லை. ** தேங்கிப் போன கோப்புகளுக்குள் ஏங்கிக் கிடக்கும் ஏழை உயிர்களை எதுவும் செய்யலாம் என்கிற ஆணையை புதிதாய் இன்று பிறப்பித்துள்ளனர். ** வாழ்வா சாவா விடுகதைப் புதிரில் பூவா தலையா போட்டுப் பார்த்து முடிவு ...

பவானி  பாலிடெக்னிக் கல்லூரியின் சார்பில் பேராசிரியர் வெற்றிவேல் பேசினார்.”எங்க ஆண்டுவிழாவுக்கு வர ஒத்துக்கிட்டதுக்கு ரொம்ப நன்றிங்க. உங்களை பவானிக்கு அழைத்து வர நம்ம மாணவர் ஒருவர் வருவாருங்க”.பல கல்லூரிகள் சிறப்பு விருந்தினரை அழைத்து வர கல்லூரி விரிவுரையாளர்களையோ மாணவர்களையோ அனுப்புவது வழக்கம்தான்.சற்று நேரத்தில் மகேந்திரன் என்றொருவர் பேசினார். மறுநாள் காலை எட்டரை மணியளவில் வருவதாகத் தெரிவித்தார். வந்த “மாணவர்” வயது நாற்பதுக்கு மேலிருக்கும். பிறகுதான் தெரிந்தது, அந்தப் பேராசிரியரின் முன்னாள் மாணவர் மகேந்திரன் என்று. காளப்பட்டியில் செங்கல் ...

 வானம் எனக்கென வரைந்து கொடுத்த  வரைபடம் ஒன்றுண்டு நானே என்னைத் தேடி அடைந்திட நேர்வழி அதிலுண்டு ஊனெனும் வாகனம்   ஓட்டி மகிழ்வது ஒருதுளி உயிராகும் ஏனென்றும் எங்கென்றும் யார்தான் கேட்பது எங்கோ அதுபோகும் காலம் அமைக்கிற சாலைகள் எல்லாம் காலுக்குச் சுகமில்லை ஆலாய்ப் பறந்து அடைந்தவை போலே வேறெதும் சுமையில்லை நீலம் பரவிய வானிலிருந்து நகைப்பது கேட்கிறது ஆலம் பரவிய கண்டத்திலிருந்து அதுவாய் எழுகிறது மாற்று வழிகளில் புகுந்தவன் வந்தேன் மறுபடி கருப்பைக்கு நேற்று வரைக்கும் நான்செய்த எல்லாம் ...

திருநீறு தினம்பூசி தேவாரத் தமிழ்பாடி வருவோரை சிவன்காக்கும் அருணாசலம்-அவன் மடிமீது மகிழ்ந்தேறி ஓங்காரப் பொருள்கூறும் மகன்வாழும் தலம்தானே மருதாசலம் சிவன்வாழும் மலைதானே அருணாசலம்-அவன் மகன்வாழும் தலம்தானே மருதாசலம்! சிவநாமம் தினம்கூறி பனிபாயும் கொடியாகி உமையாளும் தவம்செய்யும் இமயாசலம்-அவள் அருளாலே உருவாகி பாம்பாட்டி சித்தர்முன் மகன்தோன்றும் தலம்தானே மருதாசலம் உமையாளும் தவம்செய்யும் இமயாசலம்-அவள் மகன்தோன்றும் தலம்தானே மருதாசலம் புவிவாழ மனம்கொண்டு அவதாரம் பலகொண்ட திருமாலும் அரசாளும் வெங்கடாசலம்-அவன் மருமானின் அருகாக இருமான்கள் துணையாகும் அழகான தலம்தானே மருதாசலம் திருமாலும் ...

“ஆலம் விதையோ பூமியிலே ஆழ்ந்து வேர்கள் பதிக்கிறது காலம் கடந்தபின் விழுதெல்லாம் கனிவாய்த் தாங்க வருகிறது!” காலங் காலமாய் இப்படித்தான் கதைகள் சொன்னார் நம்பிவந்தேன் ஆலின் நுண்ணிய ஆன்மாவை ஆழ்கன வொன்றில் கண்டுகொண்டேன் “வேருக்கு விழுது துணையென்று வெட்டிக் கதைகள் பேசுகிறீர் யாரறிவீர்கள்” என்றென்னை ஏளனம் செய்தது ஆலினுயிர். ஏழு ஸ்வரங்களின் கருவறையில் எழுகிற ராகங்கள் வேறில்லை சூழும் விழுதுகள் ராகங்கள் ஸ்வரங்களில்லாமல் இசையில்லை ஆ வேர்தான் மூலப் பரம்பொருளாம் விழுதுகள் எல்லாம் அவதாரம் வேரின் சக்தியை வாங்கித்தான் விழுதுகள் எல்லாம் வெளியாகும் மாறுவேடத்தில் வேர்பார்த்து மனிதர்கள் விழுதெனச் சொல்லுகிறார் கூறுகள் போட்டே பழகியவர் கண்கள் சொல்வதை நம்புகிறார். ...