Blog

மான்களுக்கும் கோபம் வரும்… புத்தகத்திலிருந்து… பிடிக்கக் கூடிய தொலைவில் ரயிலை விட்டு விட்டதாய் வருகிற கனவுகள்; உணர்ச்சிப் பிழம்பாய் உரையன்று நிகழ்த்த மைக் பிடிக்கும் முன் முடிகிற கனவுகள்; இனம்புரியாத ஏதோ ஒரு கனம் பலம்கொண்ட மட்டும் பாறையாய் நசுக்க கலவரம் முற்றிக் கத்தும் முன் – இது கனவென்று புரிந்து கலையும் கனவுகள்; கனவில் மலம் வந்தால் பணம் வரும் என்று கண்ணதாசன் சொன்னது போலவே அடுத்த நாளின் ஆதாயத்தை அறிவிக்க வருகிற அசுத்தக் கனவுகள்; ...

மான்களுக்கும் கோபம் வரும்… புத்தகத்திலிருந்து… சில்வண்டுகளின் சிணுங்கலில் உள்ளது கடவுள் அனுப்பிய கடைசித் தகவல்! நீங்களும் நானும் உறங்கும் பொழுதில் நிசப்தம் அதனை உற்றுக் கேட்கும்; தகவலினூடே தெறிக்கும் குறும்பில் ககனம் சிரிக்கும் கண்கள் மினுங்க; “ரீட் ரீட் ரீட்” எனும் சங்கேதத்தில் தாவரங்களுக்குத் தரும் குறிப்புகளில் மறுநாள் விடியல் நிர்ணயமாகும்! பூமி வழியாய் ஒவ்வொரு நாளும் பயணமாகிப் போகும் இரவின் பாதை சரியென உறுதி செய்யவே கேட்கும் இந்தச் சில்வண்டுச் சத்தம். உறங்காதிருக்கும் முனிவர்களுக்கு அர்த்த ...

மான்களுக்கும் கோபம் வரும்… புத்தகத்திலிருந்து… சர்க்கஸ் வந்தாலே யானைகள்தான் என் நினைவில் வந்து நெஞ்சைப் பிழியும்; ஆகிருதிக்குப் பொருந்தி வராத செய்கைகள் புரிபவை சர்க்கஸ் யானைகள்; பிளிறல் மறந்த சதை எந்திரமாய் வரிசையில் வந்து வணக்கம் சொல்லும்; கைக்குக் கிடைத்த மரங்களை இழுத்துத் துவம்சம் செய்யும் துதிக்கை சுருக்கி, ஹாண்டில் பாரைப் பற்றிக் கொண்டு அவஸ்தை அவஸ்தையாய் சைக்கிள் ஓட்டும்; தயாராய் இருக்கும் சிவலிங்கம் மேல் தும்பிக்கையால் தண்ணீர் தெளிக்கையில் குன்றினில் பாயும் அருவியில் குளித்த கன்றுப் ...

மான்களுக்கும் கோபம் வரும்… புத்தகத்திலிருந்து… பிசகாத இசையின் பிரசவ அறைக்குள் அலையும் காற்றுக்கு அனுமதியில்லை; குழலில் இருந்து குதிக்கும் நதியை வீணையிலிருந்து வெளிவரும் அருவியைக் கைது செய்த கருவியின் கர்வங்கள் விசையை அழுத்தும் விநாடி வரைதான்; கிராம போன்களின் காலம் தொடங்கி குறுந்தகடுகளின் காலம் வரையில் மாயச் சுழலில் மையம் கொண்டுதான் பூமியை அளக்கப் புறப்படும் இசை; மெல்லிய முள்ளின் துல்லியக் கீறலில் அபூர்வ கணங்கள் ஆரம்பமாகும்; சுழலத் தொடங்கிய சிற்சில நொடிகளில் சிறகு விரித்துக் காற்றில் ...

மான்களுக்கும் கோபம் வரும்… புத்தகத்திலிருந்து… சுற்றுச் சூழலில் நடப்பது பற்றி கொஞ்சம் கூடக் கவலையில்லாமல் மதுக்கடை வாசலில் மல்லாந்திருக்கும் குடிகாரனைப் போல் வாய்பிளந்திருக்கும் பெட்டியின் வயிற்றில் கொட்டை எழுத்தில் “புகார்கள் மற்றும் ஆலோசனைகள்.” அருகிலோர் அலுவலர் அரைத்தூக்கத்தில். என்ன எதிர்பார்க்கிறீர்கள் எம்மிடம்-? எந்தப் புகாரும் இல்லையென்றில்லை எழுதும் தரமாய் இல்லையெம் புகார்கள் உங்களுக்குள்ள ஒரு நூறு வேலையில் எங்கள் புகார்கள் எட்டணா பெறுமா? குடிநீர் வரவில்லை; குழாய் இணைப்புக்காய் மடியைத் தோண்டிய மண்ணில் பள்ளம்; வெய்யில் கொளுத்தும் ...

மான்களுக்கும் கோபம் வரும்… புத்தகத்திலிருந்து… கூச்சல் நிரம்பிய காட்டில் எப்போதும் மான்கள் மட்டும் மௌனமாயிருக்கும்; மௌனமாயிருப்பதை அமைதியென்று தவறாய்ப் புரிந்து கொள்பவர் அதிகம்; முட்டி மோதும் மூர்க்க மார்க்கம் புத்தியில் உறைக்கும் பொழுதில் எல்லாம் அன்பின் வடிவாய் அமைந்த மான்கள் கொம்பு சிலிர்த்துக் கிளம்புவதுண்டு; சாந்தம் ததும்பும் சின்னக் கண்கள் ஏந்தும் நெருப்பில் எரியும் காடு; எல்லையில்லாத யுகங்களாய் இங்கு அம்புமுனையும் குண்டும் பட்டுத் துள்ளிச் செத்த துக்க நினைவில்தான் புள்ளிகள் உடம்பில் பெற்றன மான்கள்; அவற்றைக் ...